開心愛旅行

地點不是酒店、貨幣不是日元、鵝瀨是燒鵝的鵝，鵝瀨是瀨粉個瀨。賣到咁貴憑什麼？就憑它擁有米芝蓮光環、是鮮有以燒味檔身份入選的食肆──波記。

 

　　波記衛生環境、裝潢配套只屬一般，但只要一跨進大門，燒臘香味便撲面而來，令人難以抵擋，尤其那陣燒鵝氣味。最火紅的食品，就是八十元一碗的燒鵝全髀瀨：燒鵝皮燒得非常香脆，塗在鴨腔的香料不重味，保留原有鵝味卻不帶羶，但想吃得更滋味，記緊落單時向伙記聲明「免切原隻上」，方可大大啖係咁「齒」。另外，油雞肥瘦適中，雞肉鮮滑嫩口，絕對有新鮮雞的口感。叉燒也是熱賣食品，肉質鬆軟夠多汁，給貼士大家，師傅每天約下午四時開爐，六時叉燒便新鮮出爐。

 

　　燒味配瀨粉，其實有一定難度，但瀨粉除了爽口彈牙這唯一優點，本身淡而無味，所以上湯更加講究。不少燒味檔也兼營粉麵，利用燒味「下湯」熬湯慳水慳力。但波記卻走雲吞麵檔路線，加入大地魚及蝦殼熬湯，當放上燒味配料與肉汁混為一體，效果耳目一新。

 

地址：西環皇后大道西425號P舖